අශෝක රණතුංග මහතා දරුවන් ශිෂ්‍යත්ව පිරිණමයි

හොරණ ප්‍රාදේශීය සභාවේ උප සභාපති අශෝක රණතුංග මහතා විසින් තමන්ට ලැබෙන වැටුප යොදවා ප්‍රදේශයේ අඩු ආදායම්ලාභී දරුවන් 35 දෙනෙක් හට ශිෂ්‍යත්ව ප්‍රදානය කළහ. ඒ නිමිත්තෙන් සංවිධානය කරන ලද උත්සවයක් යහපාලනය සහ යටිතල පහසුකම් පිළිබඳ ජ්‍යෙෂ්ඨ අමාත්‍ය, ශ්‍රී ලංකා නිදහස් පක්ෂයේ උප සභාපති රත්නසිරි වික්‍රමනායක මහතාගේ ප්‍රධානත්වයෙන් පසුගියදා අශෝක රණතුංග මහතාගේ නිවසේදී පැවැත්වුණි. මෙම අවස්ථාවට කළුතර දිසා පාර්ලිමේන්තු මන්ත්‍රී විදුර වික්‍රමනායක, ඉංගිරිය සුදම්පාය විහාරස්ථානයේ විහාරාධිපති බෝකුන්දර කුසලධම්ම හිමියන් ඇතුළු බොහෝ පිරිසක් සහභාගී වූහ. ශිෂ්‍යත්ව ප්‍රධානයට අමතරව මෙම අවස්ථාවට පැමිණ සිටි සියලුම දරුවන් වෙනුවෙන් පොත් පාර්සල් සහ ත්‍යාග පිරිනැමීමක්ද මෙහිදී සිදු කෙරිණි.