මගුරුවෙලට නව ප්‍රජා ශාලාවක්

පෝරුවදණ්ඩ මගුරුවෙල ප්‍රදේශයට වසර ගණනක් තිස්සේ අඩුපාඩුවක්ව පැවැති ප්‍රජා ශාලාව පසුගියදා ඉදිකර විවෘත කෙරිණි. මෙම ප්‍රජා ශාලාව ඉදි කිරීම සඳහා පේමා කහ‍ටපිටිය මහත්මිය විසින් තම ඉඩම පරිත්‍යාග කර තිබුණි. මගුරුවෙල ප්‍රජා මණ්ඩලයේ සහ හොරණ ප්‍රාදේශීය සභාවේ ගරු මන්ත්‍රී ප්‍රියන්ත රත්නසේකර මහතාගේ ඉල්ලීම පරිදි හොරණ ප්‍රාදේශීය සභාවේ සභාපති යාමිත් චන්දන හතුරුසිංහ මහතාගේ ප්‍රතිපාදන යටතේ මෙම ශාලාව සාදා නිමකර තිබුණි. මෙමගින් එම ප්‍රදේශයේ පොදු ජනතාවට විශාල සේවයක් ඉටුවනු ඇත. මීට අමතරව එම ප්‍රදේශයේ දරු දැරියන්ට පාසැල් පොත් බෙදාදීමද සභාපතිවරයා අතින් සිදු විය. මෙම උත්සවය සඳහා බස්නාහිර පළාත් සභා මන්ත්‍රී මංජුල වර්ණකුමාර මහතාද සහභාගී විය.