ඉංගිරිය නගරයේ ඩෙංගු මර්දන මෙහෙයුමක්

ඩෙංගු රෝගය පිළිබඳව මිනිසුන් දැනුවත් කිරීම, මදුරුවන් බෝවන සහ බෝ වීමට ඉඩ ඇති ස්ථාන ගැන සොයා බැලීම ආදී කරුණු පිළිබඳව පවත්වන ලද ඩෙංගු මර්දන මෙහෙයුමක් ඉංගිරිය නගරය ආශ්‍රිතව පසුගියදා සිදුකරන ලදී. ඉංගිරිය පොලීසියේ පරිසර ඒකකය, විශේෂ කාර්ය බළකාය සහ ඉංගිරිය සෞඛ්‍ය වෛද්‍ය නිලධාරී කාර්යාලයේ නිලධාරීන්ගේ සහායෙන් පැවැති මෙම වැඩසටහනේදී එම නිලධාරීන් පා ගමනින් ව්‍යාපාරික ස්ථාන හා නිවාස කර ගමන් කර පෞද්ගලිකව ඔවුන් දැනුම්වත් කිරීම සිදු කරන ලදී.