ඉංගිරිය පොලීසිය විසින් තුවක්කුවක් හා අත්බෝම්බයක් සොයාගනී

ඉංගිරිය පොලිස් බල ප‍්‍රදේශයේ හඳපාන්ගොඩ, කොටිගල හන්දියේ අද දින දවල් 1.45ට පමණ ත‍්‍රීරෝද රථ පරීක්ෂාවේ සිටි පොලිස් නිලධාරීන් දෙදෙනකු ත‍්‍රීරෝද රථයක් නැවැත්වීමට සංඥා කිරීමත් සමග ත‍්‍රීරෝද රථය නවතා දමා රියදුරු පැනගොස් ඇත. ත‍්‍රීරෝද රථය පරීක්ෂා කිරීමේදී එහි තිබී බෝර 12ක තුවක්කුවක් හා ජීව අත්බෝම්බයක් සොයාගෙන ඇත. රියදුරු සොයා පොලීසිය පරීක්ෂණ කටයුතු සිදු කෙරේ. ඉංගිරිය පොලිස් ස්ථානාධිපති නලින් දර්ශන මහතාගේ උපදෙස් මත පො.සැ.27207-නිමල්සිරි,පො.කො.70153-මෙන්ඩිස් යන නිලධාරීන් පරීක්ෂණ කටයුතු සිදු කරති.