ප්‍රාදේශීය ලෝක ළමාදින සැමරුම් උත්සවය

ඉංගිරිය ප්‍රාදේශීය ලේකම් කාර්යාලය සහ ඊට අනුබද්ධ පෙර පාසල් ගුරු සංගමයද එක්වී ප්‍රාදේශීය ලෝක ළමාදින සැමරුම් උත්සවයක් “කුඩා දරුවන්ගේ හෙට දින කාර්ය භාරය සඳහා අද දින දෙමාපියන් දැනුවත් කිරීම” යන තේමාව යටතේ ඉංගිරිය ප්‍රාදේශීය ලේකම් කාර්යාලයේදී පැවැත්විණි. මෙම අවස්ථාව සඳහා ආරාධිත අමුත්තිය ලෙස සිබිල් වෙත්තසිංහ මහත්මිය සහභාගී වූහ. මෙම වැඩසටහන අතරතුරදී මුල් ළමා විය සංවර්ධන මධ්‍යස්ථාන භාර පාලිකාවන්ට සහ මාපියන්ට සිබිල් වෙත්තසිංහ මහත්මිය සමග අචහස් හුවමාරුවකට අවස්ථාව ලබාදුන් අතර පැමිණ සිටි කුඩා දැරියන් පිරිසකට ඉංගිරිය රයිගම් උඩුගහපත්තු විවිධ සේවා සමූපකාර සමිතියේ අනුග්‍රහයෙන් ත්‍යාග පිරිනැමීමක්ද සිදු කෙරුණි. ඉංගිරිය ප්‍රාදේශීය ලේකම් චම්පා උපසේන, සැලසුම් අධ්‍යක්ෂිකා කුෂාණි කරුණාරත්න, මුල් ළමාවිය සංවර්ධන නිලධාරිනී ටී.ඩී. කත්‍රිආරච්චි, වනිතා සංවර්ධන නිලධාරිනී චමිලා ප්‍රේමරත්න, ඉංගිරිය පොලීසියේ ළමා හා කාන්තා අංශයේ ස්ථානාධිපතිනි ශිරානි දමයන්ති යන මහත්මීහුද ප්‍රදේශයේ සාහිත්‍යධර බෝධිතුංග මඩලකන්ද මහතාද පෙර පාසල් පාලිකාවන්, මාපියන් ඇතුළු විශාල පිරිසක්ද මෙම අවස්ථාවය සහභාගී වූහ.